TUBU NI MARGA HUTASUHUT

( Dipungka ditaaon 1230 Miladiah dikerajaan Tabuyung )

Ia Patuan Soripada Sipuyung di Tabuyung, raja godang namanggomgomi negeri Tabuyung sampe tu Singkuang, anakna ima Sutan Bugis na kehe tu Hutapinang Narorodom dimuara ni Batangtoru. Ia Malim Panjang Sumur Dilaut Moget Talelo Sutan Muda anak ni Sutan Bugis asa dohot anaknia Sutan Bugis II, mambuka huta ma di Hutapinag Narorodom dimuara ni Batangtoru. Ia anak ni Sutan Bugis II ima Patuan Diruyung.
Ia anak ni Patuan Diruyung ima Namora Pande Bosi Naparjolo.
Ia anak ni Namora Pande Bosi ima Si Adji Diangkola, ima napahulu aek Bangtoru asa Marmian di Angkola asa mambuat boru ian sian Galanggang Pinarik (Padangsidempuan sannari), ima Si Radja ni Budjing Putri Bongsu Galanggang Pinarik.
Ia anak ni Si adji Diangkola ima Si Adji Abang Manualang, goar harajaanna ima Namora Pande Bosi.

Ia Namora Pande Bosi, ima datu godang asa nabaon martukang besi, kehe ma ia tu Sigalangan, mambuat boru Dalimunte namargoar Nantua Lean Bolon, pomparan ni Ompu Jalak Maribu, Raja ni Huta Sigalangan, asa marhuta ma Namora Pande Bosi di Hatongga. Ia anak ni Namora Pande Bosi sian boru Dalimunte 2 halak, ima Sutan Borayun namargoar harajaon Patuan Solendang Gunung, on ma nakhehe asa manyunduti tu Galanggang Pinarik. Anak na paduahin ima Sutan Bugis namarhuta di Hatongga ima naumpompar Lubis di Angkola Jae.
Ia Namora Pande Bosi on, dompak sanuli kehe ma ia mangubati boru ni Radja Pidjorkoling, boru Harahap. Dung Malum nyae ni boru Harahap on, marbagas ma ia dohot Namora Pande Bosi. Harana mabiar tarboto di namora I di Singalangan, dibunihon ia parbagas on, ima baen nadidok boru ni Sibunian. Sian boru harahap on, sorang ma daganak sidua - dua ima si Langkitang dohot Si Baitang, na kehe tu Mandailing Julu naumpompar marga Lubis di Mandailing Julu.

Ia anak ni Sutan Borayun gelar patuan Solendang Gunung, ima Dja Maria Monang Manaluhon Dja Todung Marangga - angga Radja Naposo Bulung anak ni Bayo Angin Bayo Bonbon, goar Harajaanna ima Sutan Naposo Dilangit Mangaradja gunung Pandapotan, on ma namamungka Huta Layan di Sanggar Udang, Angkola Julu, ima Lobu Layan sannari.

Ia anak ni Sutan Naposo Dilangit Mangaradja Gunung Pandapotan 3 halak ima :
       1.Patuan Digunung
       2.Tunggul ni Borti
       3.Sutan Bangun Barani

Ia anak ni Patuan Digunung 2 halak ima :
       1.Sutan Soripada Diattje
       2.Mangaradja Imbang Soatupon

Ia anak ni Sutan Soripada Diattje 2 halak ima :
       1.Baginda Mangaletar
       2.Sutan Bangun Barani

Ia anak ni Baginda Mangaletar 3 halak ima :
       1.Patuan Soripada Diattje
       2.Sutan Habonaran
       3.Sitekkal Gading

Ia anak ni Patuan Soripada Diattje 4 halak ima :
      1.Baginda Oloan
      2.Sutan Lembang Gunung
      3.Patuan Baringin
      4.Baginda Mangalopi

Ia anak ni Baginda Oloan 3 halak ima :
      1.Mangaradja Gunung gelar Patuan Soripada Diatjje II
      2.Mangaradja Imbang
      3.Mangaradja Soatupon

Ia anak ni Mangaradja Gunung 2 halak ima :
      1.Patuan Soriayaman, dongan saripena boru Munte sian Sigalangan ima namanyuan monis di Huta Layan.
      2.Dja Soimbangon

Ia anak ni Patuan Soriayaman 1 halak ima Sutan Mangembang gelar Patuan Soripada Diattje III, on ma namarkubur di Lobu Layan sannari, dibale na dipajonjong ditaon 1969, on ma ompu parsadaan ni Hutasuhut sannari.

Ia anak ni Patuan Soripada Diattje III 2 halak ima :
      1.Mangaradja Soambangon, ima naumpompar marga Hutasuhut di Hutapadang, Sitandiang, Purbatua, Silangge, Anturmangan, Bulumario, Sungelaut, Batusatail,
         Pansur Pangke, Siloung, Binanga.
      2.Sutan Guru Lembang Gunung (Ompu ni Gende).
         On ma naditaban asa dioban tu tambatan Gadja (Lobu Handis) asa mambuat boru ni Ompu Ni Hatunggal, boru Regar. On ma naumpompar Marga Hutasuhut di Sipirok.

**********************************

Saat ini kami baru mengumpulkan Data;
Berdasarkan Data terahir yang ada pada Ketua Pungguan Kami Drs.Orlando Hutasuhut,MM. Pada Tanggal 2 Desember 2007 jumlah keturunan dari Dja Konstan & Elida br.Siregar berjumlah 356 Orang.Sedangkan Keturunan dari Ompu Lembang Gunung berjumlah 153 Orang.

Berikut kami tampilkan Silsilah Keturunan Hutasuhut dari Dimulai dari Generasi pertama "NAMORA PANDE BOSI" lalu pada gambar selanjutnya dari;SUTAN GURU LEMBANG GUNUNG (Ompu Raja Gende), Dimana Turunan ke 3, yakni Raja Gende Mempunyai anak 3 Yakni Dja Djanggut, Dja Bongsu, Dja Tagug. Saat ini kami Tampilkan dari Anak ke 2 (Dja Bongsu) dan Anak ke 3 (Dja Tagug).

copy file from http://hutasuhut.co.cc/